نفت المطربة اللبنانية "ميريام فارس" الأخبار المتداولة حول إصابتها بمرض السرطان، مطالبة بـ"الكف عن المتاجرة بصحة الناس".

وكتبت "ميريام" على "تويتر" بلهجة لبنانية، "ترددت كتير قبل ما احكي، لأن ولا مرة حبيت إنو تكون تفاصيل حياتي الخاصة، بالتحديد اللي بتزعل مستباحة للعلن. بس محبتكن وكسرة أهلي جبرتني إطلع عن صمتي".

وشكرت "كل الناس اللي سألت عني واتطمنت على صحتي، ولكل يللي عم يدعولي بالشفاء ويصلولي، بقلن أنا كمان بحبكن وأنا محظوظة فيكن كتير. سبق وصرحت إني بحاجة لشوية وقت لأتعافى وارجعلكن ميريام القوية اللي بتعرفوها".

وأضافت: "صحيح إني عم بقطع بحالة صحية دقيقة وحرجة، بس مش كل مصيبة إسمها سرطان. أنا ما معي سرطان. كفى متاجرة بصحة الناس. بشكركن كلكن وبتمنى الشفاء لكل مريض".

يشار إلى أن المطربة اللبنانية "إليسا" كانت قد كشفت مؤخرا أنها تماثلت للشفاء من مرض سرطان الثدي.