قال إنه لم يرغب في الصدام.. السيسي: الإخوان هددوا الجيش 3 مرات

الاثنين 2 مايو 2022 09:58 ص

قال الرئيس المصري "عبدالفتاح السيسي"، الإثنين، إن جماعة "الإخوان المسلمون"، هددت الجيش 3 مرات، قبل عزل الرئيس الأسبق الراحل "محمد مرسي"، في 3 يوليو/تموز 2013.

وخلال حضوره احتفالية "أسر الشهداء والمصابين وذوي الهمم"، بمناسبة عيد الفطر المبارك، صعد على المسرح عدد من أبطال مسلسلي "الاختيار 3"، و"العائدون" اللذين تم عرضهما خلال الموسم الرمضاني.

ووجه "السيسي" حديثه لأبطال المسلسلين، قائلا: "فرصة إن إحنا في يوم العيد (..) أولاً نقول كل سنة وأنتم طيبين ونشكركم على مجهودكم .. وعايز أقول لكم على حاجة... اللي انتوا عملتوه كان جزء كبير منه لصالح الأبطال والشهداء اللي ضحوا عشان خاطر مصر تعيش".

وتابع "السيسي": "عايز أقول على حاجة تاني ليكم ولكل الناس (..) إحنا قولنا إن التاريخ منسيبوش لحد (..) والله والله والله إحنا كنا حريصين ألا يسقط ولا يحصل تصادم (..) واللي أنتم عملتوه وطلعتوه للناس دي الحقيقة".

وهذه هي المرة الثانية التي يسعى "السيسي" للتأكيد أن ما عرضه مسلسل "الاختيار 3" هو واقع تاريخي دون تحريف، رغم تشكيك الكثيرين، ومن ضمنهم مؤيدين له، استنكروا تجاوز دورهم في الأحداث، خلال عرض المسلسل.

وأضاف "السيسي": "أنا بقول هنا لكل ولاد وبنات مصر وأسر وشهداء مصر... إوعوا تفتكروا إن ولادكم وأبهاتكم وأزواجكم سقطوا في معركة طغيان (..) لا والله (..) إحنا لم نعتدِ ولم نطغَ (..) إحنا حاولنا... وكل كلمة اتقالت كانت معبرة عن واقع نقلتوه للناس كلها عشان الولاد الصغيرة دول لما يطلعوا ويكبروا ويقولوا إحنا أبناء الشهداء اللي حافظوا على البلد دي ما حدش يزيف ولا يشوه تاريخهم ولا يضيع قيمة اللي هم عملوه".

وزاد: "أنا عايز أقولكم تاني (..) شوفوا قد إيه عمل درامي بمثابة ألف كتاب وألف ساعة حوار (..) أنتم ما تعرفوش إنتوا عملتوا إيه (..) مش عايز أتكلم عشان إحنا في عيد".

وتحدث "السيسي"، عن بيان 3 يوليو/تموز 2013، الذي أعلن فيه تعطيل العمل بالدستور وعزل "مرسي"، وتولي رئيس المحكمة الدستورية المستشار "عدلي منصور" حكم البلاد، وقال: "طب تصدقوا بالله (..) حتى البيان اللي كتبناه كنا حريصين لحد آخر لحظة ميحصلش صدام (..) لا قولنا فيه عزل رئيس ولا قولنا فيه جماعة إرهابية ولا أي حاجة بس يمكن كتير مننا مياخدش باله".

واستكمل: "أنا بقول ده دلوقتي لأجل خاطر الحقيقة والصدق والأمانة متتشوهش (..) القيمة الكبيرة اللي عملها المصريين في 2013 (..) حاولنا كتير قوي إن إحنا نحل المسألة من غير مواجهة أو صدام لكن للأسف (..) ادعاء وتشوية حتى دلوقتي (..) محدش عايز يفكر يقول يا ترى اللي اتقال ده كان حقيقة ولا حتى نص حقيقة (..) ربنا يكفينا أهل الشر".

وزاد: "بقول للمصريين كل سنة وأنتم طيبين وخلوا بالكم من بلدكم (..) والكلام ده ما كانش ممكن حد في مكاني يسمح إنه يتعمل وهو موجود (..) بس أنا قولت علشان كل كلمة وكل موقف ميبقاش فيه كدبة واحدة".

وأضاف "السيسي": "المسلسل ده طبعاً فيه مشاهد لأجهزة الأمن (..) بس اللي ظهر حجمه قليل جنب اللي اتعمل فعلاً (..) أنا بتكلم عن وقائع خاصة بالدولة (..) أنا عايز أقول لكم إن الموضوع اللي حصل فيه تهديد مباشر للجيش اتعمل 3 مرات (..) مرة اتعمل مع (وزير الدفاع الأسبق) المشير الله يرحمه حسين طنطاوي واتقال إن لو الانتخابات والنتائج طلعت غير الرئيس الله يرحمه مرسي البلد هتولع".

واستطرد: "المرة التانية لما خيرت الشاطر قال إحنا حرقنا المقرات بتاعة الحزب الوطني ونقدر نعمل محاكمة شعبية ونحاكمهم (..) أما المرة التالتة كانت ليا شخصياً (..) وقسماً بالله 45 دقيقة بيعمل بإيده كده ويقولي هنقتل وهنجيب من كل حتة وهنولع الدنيا (..) أنا باقسم بالله أحسن ناس يقولوا ما تطلعوا الحاجات دي (..) لأن إنتوا هتلاحظوا إن رد الفعل دلوقتي حالة من الاستنفار الشديد من جانبهم وادعاء وتزييف وزيف (..) صحيح بيعملوا كده (..) رغم إني قعدت 7 سنين لم أذكرهم مرة واحدة، وكنت أقول أهل الشر علشان أدي فرصة لأهل الشر يتراجعوا عن الشر (..) ربنا يهيدنا كلنا".

واختتم "السيسي" حديثه قائلاً: "لسه الدور مخلصش (..) كدراما وكمسلسلات في بناء وعي حقيقي للبلد دي هيكون على أكتافكم وعلى عقولكم (..) وأنا أتصور إن المسلسلات دي كانت كاشفة لذوق وعقل المصريين (..) لم يختلف اتنين عليها (..) وباسمي باسم كل الناس بشكركم".

ويقدم مسلسل "الاختيار 3" معالجة درامية لأحداث الثورة المصرية، وفترة حكم "مرسي"، يعتبرها معارضو "السيسي" تزييفا للحقائق ودعاية سياسية.

ومزج المسلسل بين المشاهد الدرامية لفترة حكم "مرسي" للبلاد، وتحركات جماعة "الإخوان" وقتها، من خلال خطوط درامية عن أحوال البلد آنذاك، وبداية تدشين حركة "تمرد" لإسقاط "مرسي"، وبين مشاهد وثائقية حقيقية لاجتماعات بين الجيش وقيادات من جماعة "الإخوان" قبل تولي الحكم أبرزهم "مرسي" ونائب المرشد "خيرت الشاطر".

المصدر | الخليج الجديد

  كلمات مفتاحية

مصر السيسي الإخوان الانقلاب مرسي الاختيار

أيمن نور يتهم مسلسل الاختيار بالوقيعة بين قوى المعارضة المصرية

عمرو واكد يسخر من مسلسل الاختيار 3: كوميديا وإسفاف

السيسي يجدد رفضه المصالحة مع الإخوان: ربنا اللي بيقعد وبيمشي