قالت الإعلامية المصرية، «أماني الخياط»، إن غلاء الأسعار اختبار من الله للمصريين وليس من النظام، عقابا لهم على الاستهلاك الزائد من أجل أن يتحملوا الغلاء والظروف التي تمر بها البلاد، ومراجعة أنفسهم.

وأضافت «الخياط» في برنامجها «مباشر من العاصمة» المذاع على قناة «أون تي في لايف»، «لازم نكون مستعدين ندفع ثمن الحلم اللي نزلنا عشانه الميدان، وبلاش تعاطف مع الغلابة والبسطاء، لازم يتحملوا ثمن أنه آن الآوان للإفاقة، لازم ناخد عبرة من مشهد بكاء السيسي في أبو رواش، هذا المشهد يؤكد أن اللحظة اختلفت، ارتفاع الأسعار سلاح ربنا لتعليمنا، والرئيس تتأذي مشاعره لما يلاقي الواحد لسه بيحلم أنه يأكل 4 طقات، لازم نراعي مشاعره، الأكل الكتير بيثقل البدن، والشيطان بيخش جوانا، لازم نتعلم نعيش ونكون راضيين بحالنا».

وتابعت «بعد بكاء السيسي ربنا محبش يسيبه في الحيرة لأن الضغط عليه أكثر من اللازم وكان لازم يساعده، لأنه مختار أداة تعلمنا عشان نبطل الاستهلاك وناكل عمال على بطال ونملأ بطوننا، فكان لازم يديله الأمارة، بأن يكون من الكاظمين الغيظ وأن لا يكون معنيا بصورته وشخصيته أمام الناس».

وأردفت «لما حاولت سيدة تقبيل يده، عبرت عن حبها ورضاها بالمعيشة في مصر، لكن المصريين مش هيقبلوا بفكرة الغلاء بوصفها أداة التعلم من ربنا، وعدم قبول المصريين بالغلاء زي اللي حصل في عهد النبي لما نزلت عليه الرسالة ولم تؤمن قريش، لكن لو فضلنا واقفين عند السكر والعدس يبقى إحنا في أزمة».

واختتمت حديثها قائلة «هل أنتم مؤمنون بحق؟، هل غلاء الأسعار ربنا عمله صدفة؟، ولا ممكن الأمر دا يتم خارج إرادة الله؟»، لتستدرك كلامها، قائلة: «يسامحني ربنا».

وتعاني مصر من نقص في احتياطي العملة الأجنبية منذ الانقلاب على الرئيس «محمد مرسي» أول رئيس مدني منتخب ديمقراطيا في تاريخ البلاد في يوليو/تموز2013.

وشهدت العملة المصرية المحلية «الجنيه»، خلال 35 عاما تراجعا لعشرة أضعاف قيمتها.

وخلال نحو عامين ونصف فقط من حكم الرئيس المصري «عبدالفتاح السيسي»، خسر الجنيه نحو 110% من قيمته.

وتشهد الأسواق المصرية، موجة جنونية من الارتفاع في أسعار السلع والمنتجات الغذائية والمواد التموينية، ويشكو أغلب المصريين من الغلاء وارتفاع الأسعار.