سخرية واسعة شهدتها مواقع التواصل الاجتماعي في مصر، بعد إطلاق مبادرة بعنوان "كن إيجابيا"، تدعو مصريي الخارج لتبرع بـ200 دولار أمريكي دعماً لاقتصاد بلدهم.
يقول مؤسس المبادرة نائب رئيس الاتحاد العام للمصريين في أمريكا "عصام الدين بسيوني"، إنهم يستهدفون تحويل 200 دولار من كل مصري مقيم في الخارج إلى البنك المركزي المصري.
وأضاف "بسيوني" في تصريحات نشرتها وسائل إعلام محلية، "هناك 10 ملايين مصري بالخارج، ما يعني أنهم يمكنهم تغذية البنك المركزي المصري بـ2 مليار دولار على الأقل".
وأكد أن المبادرة تستهدف كل المصريين سواء الموافقين على أداء الحكومة في إدارة الأزمة الاقتصادية أو من لديهم تحفظات عليها، لأن هدفها الرئيسي هو دعم مصر وأهلها.
ولاقت المبادرة دعم عدد من المصريين في الخارج، إلا أن التفاعل الأوسع معها كان عبر السخرية والتندر عليها، وانتقاد هذا النهج في التعامل مع الأزمات الاقتصادية للبلاد.
#كن_إيجابي
— باروون👑الهاشمي (@BaroonMSR) January 13, 2023
المصريون بالخارج يطلقون مبادرة للتبرع بـ 200 دولار لدعم الاقتصاد المصري .
عشتي يا مصر وعاشوا ولادك
يبنوا في مجد يزيد امجادك
ويهنوكي ويخلوكي تسبقي كل الدنيايا مصر
يا بلدي يا مصر يا بلدي 🇪🇬✌️ #المصريين_في_ضهر_بلدهم pic.twitter.com/OmmvqXxaJO
#السيسي_هو_اللي_عمرها #كن_ايجابي pic.twitter.com/iOp3Xe8gQN
— 🇪🇬ÀFaF Badawy🇪🇬 (@tahiamasr___99) January 14, 2023
رغم اي محنه صعبه عيشتي فيها .بكره قادرين نبني فيكي الف قصر
— المايسترو Bassem🦅🇪🇬💪💪✊✊ (@BASSEMELMASSRY1) January 13, 2023
يلي بتقولوا انها راحت عليها، اسآلوا كتاب التاريخ مين هي مصر 🇪🇬✊#كن_ايجابي#المصريين_في_ضهر_بلدهم pic.twitter.com/MN1EN8WlsX
في وقت الأزمات و المحن المصريين يد واحده المصريون بالخارج يطلقون مبادرة'كن إيجابي يا مصري'للتبرع بـ 200 دولار لدعم الاقتصاد المصري ✊🏼🇪🇬❤️ pic.twitter.com/FVWrqAJQUk
— أمـــال 💌 (@mewiki007) January 14, 2023
فيما استقبلت الفئة الغالبة المبادرة بسخرية واسعة منددين بفشل الحكومة في حل الازمة الاقتصادية، وإصرارها دائما على طلب العون، فضلا عن سوء إدارة لموارد المالية، والإنفاق على مشروعات لا تدر عائدات ولا تساهم في تحسين أحوال الشعب المعيشية.
المصريين بالخارج دلوقت عاوزين منهم ٢٠٠ دولار من كل واحد كده بقينا أبناء الوطن الحمد لله مش جواسيس anymore وخليكم في اليلاد اللي انتوا فيها ومالكم دعوه بمصر صح ؟؟
— Hany Mikhail (@hanyamikhail1) January 14, 2023
صبحوا على مصر ب ٢٠٠ دولار
— Cpt. Osman (@SherifFree) January 13, 2023
لكن لو فيه حاجة مش عاجباك
في قرارات الملهم كليم الله
السيد عبد الدينار الكويتي
ساعتها يحطوك على قوائم الانتظار
و ينكلوا بيك و بأهلك عادي.
يالا صبحوا على مصر ب ٢٠٠ دولار وانتوا ساكتين pic.twitter.com/Fv7KeFnFTu
وأنا أول واحد يتبرع
— Haytham Abokhalil هيثم أبوخليل (@haythamabokhal1) January 13, 2023
يلا يا مصريين بالخارج
كل واحد يتبرع ب 200 دولار عايزين نسدد ثمن الطائرة الرئاسية الجديدة ملكة السماء‼️#يوم_الجمعة #جمعة_مباركة pic.twitter.com/2boa73kWX9
ايه المنطقي اني اطلب من مصري عايش بره أنه يتبرع ب ٢٠٠ #دولار لدعم #الجنية_المصرى والاقتصاد في #مصر اللي هي السبب الأول في انه يعيش باقي عمره متغرب عن وطنه اللي مقدرش يوفرله الحياة المحترمه بكل معانيها اللي طلع يدور عليها بره
— المتحدث المدني 𓆑𓄿𓂧𓇋𓃭 (@FadelAbdelrhman) January 14, 2023
جاء دورك الآن يا كل مصري لترد الجميل لمصرنا الغاليه.. ادفع ال 200 دولار و خليك شيك علشان الدوله تعرف تديك ☺️
— الشيخ عبد ربه التائه (@ALkhall6666) January 14, 2023
#الدولار pic.twitter.com/OrNNYcrkND
بامارة اي المغترب يتبرع بيتفشخ ف الجمارك ورخامه الشرطه اللي بتقلبه ويتسرق شنطة ف المطار ولا تقلبهم فينا بدفع واحنا خارجين واحنا داخلين شايل ب ١٠٠٠٠ج اي ٥٠٠ دولار لبس وهدايا لاهلك ولنفسك تدفع جمرك 🖕💩🖕🇪🇬💩🖕🇪🇬#كن_ايجابي
— ibrahim Rarara (@IbrahimRarara) January 15, 2023
كما انتقد ناشطون عبر مواقع التواصل الاجتماعي، تلك المبادرات التي تحاول التغطية على فشل الحكومة في كبح جماح الدولار، ودعم الثقة في العملة المحلية، مما أدى لانفجار في الأسعار بشكل غير مسبوق في مصر.
البلد لو واقفة على ٢٠٠ دولار وال ٢٠٠ دولار معايا مش دافعهم
— M○H$€N (@MKM_15318) January 14, 2023
ما بديش فلوسي لحرامية pic.twitter.com/dYxw9lvhif
في حملة التبرع لمصر بجنيه قولنا ومالو وده واجب علي الفقير لأن الغني ما عهوش فكة
— mohamed elmosalmy (@mohamedelmosal5) January 14, 2023
لكن تقوي 200 دولار وانا مالاقي حتي 200 جنيه
كده احنا هنبطل هري
بس صوت شخيرنا ها يعلي pic.twitter.com/vOYQjwbR6i
طيب بالله عليكم نروح ندفع ٢٠٠ دولار عشان يتحطوا في الرمل والأسمنت عيب بقي احترموا عقولنا https://t.co/WHqb4qtXiI
— ياسر العيشي (@el3ishy) January 14, 2023
يوم ١٠ يناير ٢٠٢٣ الجارى بدأ تسارع انهيار الجنيه ،وتم إعلان مبادرة طلب ٢٠٠ دولار تبرعا من كل مصرى لدعم الاقتصاد❗️، وفى نفس اليوم وبصورة عاجلة اجتمع السيسى مع رئيس الوزراء واصدر التوجيهات باستكمال مدينة ملاهى العلمين‼️ pic.twitter.com/5m1ngAoKOo
— دكتور مصطفى جاويش (@drmgaweesh) January 13, 2023
هما مش مبلغ كبير بس هتبرع بيهم ليه عشان بتعامل كويس ف المطار ومفيش جمرك على كل حاجه ولا عشان السياره ال سمحت إنها تدخل بدون جمارك ولا عشان الراحه ال بشوفها من السفارة ولا عشان اية بالظبط
— Mohamed Hassan (@abo_nessmaa) January 13, 2023
كن ايجابى واوعى تتبرع https://t.co/3RpGbyOtiS
— Howayda Ali (@HowaAli) January 15, 2023
فيما دعا ناشطون إلى عدم الاستجابة للمبادرة، لافتين إلى مبادرات سابقة دعا إليها النظام مثل "صبح على مصر بجنيه"، ولم تترك أثرا على معيشة المواطنين وحياتهم.
كن ايجابى واوعى تتبرع https://t.co/3RpGbyOtiS
— Howayda Ali (@HowaAli) January 15, 2023
"كن مغفلا" واتبرع بـ 200 دولار؛ لدعم "بلاعة" الاكتساد المسري اللي محدش يعرف بتودي على فين!#الدولار #الجنية_المصرى #السيسي_خربها #كن_إيجابي_أوي #كن_مغفلا pic.twitter.com/I3wxGWwYy3
— أحمد عبد العزيز (@AAAzizMisr) January 13, 2023
كن إيجابي ..القصة هنا ليست قصة نقص أموال ..القصة هنا قصة فشل متعمد..مهما آوتي من أموال سيبددها ويعود للتسول من جديد
— صلاح بديوي (@bedewi1_s) January 14, 2023
بعد اتبرع بجتيه في بداية انقلابه الان مُريديه يطلقون مبادرة كن ايجابي واتبرع بـ200دولار لانقاذ اقتصاد مصر
— سيلين ساري (@celin931) January 13, 2023
يطلقهاعصاد الدين بسيوني نائب رئيس الاتحاد العام للمصريين بالخارج في أمريكا
السيسي يبني عاصمة اداريه ويشتري طائرة خاصة
وانا اتغرب واتبرع
تصدق بالله ولا بـ200 سنت pic.twitter.com/1XIiqy9eET
"كن إيجابى" مبادره أطلقها أذناب النظام بالخارج تدعو ال10مليون مصرى فى الغربه إلى التبرع ب200دولار للبنك المركزى لدعم إقتصاد السيسي المنهار
— احلام2 (@ahlaamm___2020) January 13, 2023
الإقتراح الإعلامى أمس أصبح مبادره دبلوماسيه اليوم وغداً سيصبح إتاوه يفرضها بلطجية السيسي بالسفارات على كل من يريد خدمه منها
اساليبكم محفوظه
#كن_ايجابي
— صاحب امبراطورية سين (@alfateh_sayed) January 15, 2023
واسأل الريس هو عمل ايه بفلوس القروض ؟
واسال الريس عمل ايه بفلوس المنح من دول الخليج ؟
كن ايجابي واسال الريس فين اقرار الذمة المالية بتاعك انت وعيلتك زي ما الدستور بيقول ؟ #كن_ايجابي وقول للريس انت حرامي وفاشل ولازم تمشي
وسبق أن طرح الرئيس المصري "عبدالفتاح السيسي"، في 2016، مبادرة تحت اسم "صبح على مصر بجنيه"، تدعو المواطنين إلى التبرع للدولة بجنية (عملة البلاد) يوميا.
وأثارت المبادرة حينها سخرية واسعة من جانب ناشطين على مواقع التواصل الاجتماعي، مستنكرين أن يتم مطالبة المواطنين بالتبرع لاقتصاد البلاد، بينما يتم بشكل شبه شهري زيادة رواتب منسوبي الجيش والشرطة والقضاء.
وخفضت مصر قيمة عملتها أكثر من مرة في تاريخها استجابة لأزمات، أو في محاولة للتوفيق بين العرض والطلب، من أجل تحسين الأداء الاقتصادي وزيادة احتياطاتها من العملات الأجنبية، وهو ما أثر في الوقت ذاته على مستويات معيشة المواطنين.
وفي 10 أشهر فقط، تراجعت قيمة العملة المصرية 104% في مقابل الدولار، بعدما خُفضت قيمتها 3 مرات استجابة لمطالب صندوق النقد الدولي، حسب ما أفادت به مصارف حكومية.
وفي رأي المحلل الاقتصادي لدى بنك "جولدمان ساكس" لمنطقة الشرق الأوسط وشمال أفريقيا "فاروق سوسة"، فإن تعديل سعر صرف الجنيه أمام الدولار لم يكتمل بعد، متوقعًا أن يرتفع السعر الرسمي للدولار ليقترب من سعر السوق الموازية الذي قد يقترب من 35 جنيهًا للدولار.
ومع هذا الانخفاض الجديد في قيمة العملة المصرية، ستزداد معاناة الأسر المصرية في بلد يستورد غالبية احتياجاته وبلغت نسبة التضخم فيه 21.9%.
