"القنصلية المصرية في نيويورك عايزاني أروح مصر أختم طلب البطاقة من نقابه المهندسين وارجع تاني عشان أجدد بطاقتي في أمريكا".
بهذه التغريدة تحدث مغرد مصري يدعى "خطاب" مقيم في الولايات المتحدة، متحدثا عن البيروقراطية المصرية التي لم تتوقف في الداخل ووصلت إلى خارج البلاد أيضا.
القنصليه المصريه في نيورك… عايزاني اروح مصر اختم طلب البطاقه من نقابه المهندسين و ارجع تاني عشان اجدد بطاقتي ف امريكا.
— Khattab (@KhattaB66202069) February 13, 2023
تغريدة "خطاب" أعادت إلى الأذهان الكثير من المواقف حول ما يتعارف عليه في مصر باسم "مدام عفاف"، وهو الشخصية التي باتت تعرف لدى المصريين بأنها تمثل رمزا للموظف التقليدي البيروقراطي، الذي يعاني بسببه الأشخاص عند محاولاتهم قضاء حاجة في المؤسسات المختلفة.
وتعتبر الإدارة المصرية إحدى أقدم النظم البيروقراطية في العالم، وهي إدارة مبنية على هيكل إداري شديد التعقيد والمركزية يستند إلى سلوك تنظيمي يتسم في مجمله باللامبالاة وضعف الأداء، الأمر الذي قاد إلى تجذر موروث من عدم الكفاءة وعدم الفاعلية يتبادران إلى الذهن كصورة مدركة حال ذكر الجهاز الإداري للدولة المصرية.
وعلى مدار الأيام الماضية، ظهر وسم "مدام عفاف" في مواقع التواصل الاجتماعي، يتحدث فيه المصريون في الخارج والداخل عن مواقفهم مع "مدام عفاف"، رغم محاولات التحول الرقمي.
السفارات الاوروبية في مصر مالهاش علاقة باوروبا .. عدم النظام والعشوائية طبع الموظفين اللي هناك ..
— ADEL (@aadelfrg) February 14, 2023
ايه ده؟ هي مدام عفاف اللي في المجمع انتقلت هناك؟
— Long live Egypt🇪🇬🇧🇪 (@Heba_A_S_A) February 14, 2023
بصراحة مش قادرة افهم ليه قنصلياتنا في الخارج خدماتها للمصريين في منتهى البطء و منتهى السوء !!! https://t.co/bR5G9b2VPC
هى مدام عفاف ال ف الدور الثالث سبب مصايب مصر كلها
— Mohammad N (@Decor20231) February 14, 2023
السنة اللي فاتت قدمت إقرار ضريبي علي موقع مصلحة الضرائب المصرية بسبب تخلف تصميم الموقع خد حوالي ٣ساعات رغم انه المفروض مياخدش أكتر من نص ساعة
— Remon tharwat (@remon757) February 18, 2023
السنة دي طورا الموقع تماماً وفضلت ٤ساعات علي الموقع من غير ما أوصل لحاجة...!!
تقريباً نقلوا مدام عفاف أون لاين...
انا اكتشفت مؤخرًا اني عايزه اشتغل زي مدام عفاف بتاعه المعاشات… معندهاش تارجت
— 𝒎𝒆𝒓𝒗𝒂𝒕🦋 (@MervatAbdelhaf1) February 17, 2023
معندهاش how to handle the customer اللي مش عاجبه يمشي
شخصيه قوية
بتتأخر عادي
بتعمل الغدا وهي في الشغل فعندها مفهوم time management
وكل ده وبتروح الساعة ٢ عادي تشوف بيتها وعندها جمعة وسبت اجازة
ولفت الناشطون إلى أن ما يواجهه المصريون في المصالح الحكومية أشبه بكونه عالما موازيا.
مدام عفاف فكره والفكره لاتموت😂
— سهر مش سحر (@SaharShawki2) February 14, 2023
حقيقي جدا
— Hemo of Alpha Centauri (@HemosTheDonut) February 17, 2023
سنقود العالم بالفهلوة ومجلس ادارة العالم هايبقى كله من قرايبنا ونمشيها حبي واعلان استقلال الدول هايكون بطلب من عند مدام عفاف في الدور الرابع من الأمم المتحدة اللي المبنى بتاعها هايبقى ستيناتي جدا ومن غير صيانة
هو كل ده عادي لما يكون مع مدام عفاف اللي في الدور الرابع، بس رئيس نيابة الموضوع صعب وبيخليني اسأل سؤال جاد.
— الكومندان🇪🇬 (@ElmasryWhite) February 14, 2023
تفتكر رئيس النيابة اللي بدأ شغله الساعة 11 ص وبياخد اجازة خميس وجمعة وسبت وبيمشي الساعة 2 مساءً هيكون عارف شغلة ومسؤليته وكده ولا ما يختلفش عن #مدام_عفاف ؟؟؟
انا عشان الحوار ده عامل فايل في شهادات ميلاد و جواز و طلاق و وفاة و صور بطايق و صور شخصيه و قيد عائلي و شهادة التخرج و شهادة الجيش و معايا من كل حاجه تلت صور و بتحدي مدام عفاف بالدور الرابع أنها تقدر توقفني https://t.co/xcQd50hue3
— Abdelrhman (@DrMcNuggetz) February 13, 2023
كنت في القنصلية في سيدني بجدد الباسبور قالي لازم البطاقة وعملت البطاقة استلمتها بعد ٩ شهور ومع ذلك مطلعتش الباسبور وطول الوقت يحسسك انك صحيتك من النوم او انة متقل من طلبك
— vantolin (@vantolin82) February 14, 2023
بنتي معاها شهاده جامعيه من جامعه من أفضل و أصعب جامعات هولندا و مكتوب ليها وظيفه في الرقم القومي قالوا لا دا ممكن يكون حد قريبها معينه في الشركه بواسطه فدفعوها الباسبور كأنها غير متعلمه خالص و مهما تقول أنسي الشهاده بتعتها موش عليها أي أختام رغم أنها الأصل
— Nevine Nasser (@NasserNevine) February 15, 2023
كما سرد المصريون قصصا فكاهية وغير منطقة لطلبات الموظفين في الداخل والخارج لإتمام أوراقهم.
جربت توثق عقد الجواز قبل كده؟ عايزني اجيب 2 مصريين حضروا الفرح معايا القنصليه علشان يشهدوا 😁
— Wael R. Mansour (@waelouf) February 13, 2023
انا في مرة من ٧ أو ٨ سنين وديت الباسبور لسفارة من سفاراتنا في الخارج هشان يتجدد و دفعت ٢٠٠٠ جنيه و روحت اخدت نفس الباسبور القديم بعد اسبوع و نزلت بيه مصر ٧٢ ساعة عشان اجدده... عادي.
— Sinai Nomad (@SinaiNomad) February 14, 2023
كل الملفات الممكنة معاك
— غيبوبة (@waelelkhteib) February 14, 2023
كل الورق متصور خمس صور
معاك ست صور شخصية ٤*٦ و٥*٨
عشان ما تتزنقش هناك
صورة شهادة ميلاد بنت خالة ام اللي جابك عشان هنحتاجها في القيد الهمبوقاصي اللي تم استحداثه من عشر ثواني في المصالح الحكوميه
ورقك كامل
لا ده انت تفوت علينا بكرة عشان مدام عفاف بتولد 😂😂
شهاده ميلاد حفيدتي اخدت ٤ شهور علشان تيجي وكل يوم يقولوا في الحقيبه الدبلوماسيه اللي هي يوميا رايحه جايه
— ايزيس***المصرية🇪🇬 (@hanaramzy62) February 14, 2023
لسه عامل نفس المشوار من شهر
— محمد الدسوقى (@MohamedEldesuki) February 14, 2023
وحتى النقابة لسه عايشه على نفس الاسلوب هات الاستمارة واختم من شباك ويبعتك على شباك ثانى وثالث
وحتى دفع الاشتراك نفس الاسلوب
مع انى مسجل بهئة مهندسين اجنبية ولا عمرى دخلتها وكله اونلاين من 7 سنين وبنسدد كله اونلاين لكن هتقول ايه لعقلية مدام عفاف 🤦 https://t.co/fglwkl92wk
ممكن اقول كلمة
— 🇪🇬حفيد ابو الرجال🇪🇬 (@abo_lregal) February 14, 2023
جيل الناس القديمة هو اللى صدرلنا مدام عفاف و هو اللى موقف التطور التكنولوجى الحكومى