أثار رجل الأعمال المصري، "نجيب ساويرس"، الجدل بشكل كبير في مصر بحديثه عن نفقاته الشخصية خلال الخروجات.
ففي لقاء مع مراسلة برنامج "صباحك مصري" المذاع عبر فضائية "mbc مصر 2" قال "ساويرس": "مش بصرف كتير في اليوم، لأني بتغدى عند والدتي وبفطر عند والدتي، ولو خرجت في العشا بدفع 3000 أو 4000 جنيه، دلوقتي الأرقام ضربت خالص، كنا زمان بنخرج في الخروجة بـ100 جنيه و50 جنيه و30 جنيه، دلوقتي الأصفار كترت".
وحول أول مصروف حصل عليه في حياته في المدرسة، قال: "أبويا كان بيديني 2 جنيه في الشهر، وكل اللي معايا في الفصل كانوا بياخدوا 10 جنيه، بس هو كان بيدينا 2 جنيه عشان يعلمنا نبقى ناشفين، وطلع صح، لكن أولادي مش فاكر الحقيقة ومراتي هي اللي كانت بتديهم المصروف، وكانت إيديها أنشف مني لأني كنت هبوظهم الصراحة".
نجيب ساويرس :- مش بصرف كتير و بتعشي ب ٣ أو ٤ آلاف جنية بس ف اليوم ..
— omar hamed (@omarhamed97039) October 29, 2021
و دا انا لما حبيت ادلع نفسي و جبت ساندوتش شاورما بعد ما قبضت المرتب :-
" ياما انتوا ممتعين نفسكو يا اهل البندر " pic.twitter.com/1fPUR6rppA
نجيب ساويرس بيتعشي برا البيت ب 3000 او 4000ج وانا امبارح اتعشيت بعدس وقرنين فلفل وكيس شيبسى ب 3 جنيه
— Ahmed Abuzahra (@Ahmedabuzahra50) October 29, 2021
بخيل اوي #نجيب_ساويرس
— Tawfeeq Masri-توفيق المصري (@tawfeeq_masri) October 29, 2021
معه ملايين وفارقة معه جنيهات..
عالم بتحسبها بالكرتة pic.twitter.com/zA1LLx9icT
لما نجيب ساويرس بيقول الدنيا بقت غلاء مبالغ فيه مابقتش زي زمان ..طيب احنا نعمل ايه ؟!! ننتحر وخلاص 🤔
— أحمد_s_d (@selim4ever) October 29, 2021
- الدولار الأمريكي= 15.70 جنيه مصري